తిరుపతి-విశాఖపట్నం-తిరుపతి (08509/08510) మధ్య వారానికి రెండుసార్లు నడిచే ప్రత్యేక ఎక్స్‌ప్రెస్ రైలు సేవలను పొడిగించాలని భారతీయ రైల్వే నిర్ణయించింది. యాత్రికులు, ప్రయాణికుల సౌకర్యార్థం ఈ నిర్ణయం తీసుకున్నట్టు రైల్వే అధికారులు తెలిపారు.
- రైలు నం. 08509 తిరుపతి - విశాఖపట్నం ప్రత్యేక రైలు: 13.09.2026 నుంచి 26.11.2026 వరకు ప్రతి ఆదివారం, గురువారం ఉదయం 9:50 గంటలకు తిరుపతి నుంచి బయలుదేరి, మరుసటి రోజు ఉదయం (సోమవారం, శుక్రవారం) 6:30 గంటలకు విశాఖపట్నం చేరుకుంటుంది (మొత్తం 22 ట్రిప్పులు)
- రైలు నం. 08510 విశాఖపట్నం - తిరుపతి ప్రత్యేక రైలు: 14.09.2026 నుంచి 27.11.2026 వరకు ప్రతి సోమవారం, శుక్రవారం సాయంత్రం 7:40 గంటలకు విశాఖపట్నం నుంచి బయలుదేరి, మరుసటి రోజు సాయంత్రం (మంగళవారం, శనివారం) 6:45 గంటలకు తిరుపతి చేరుకుంటుంది (మొత్తం 22 ట్రిప్పులు)
- ఆగే స్టేషన్లు: రేణిగుంట, కడప, ఎర్రగుంట్ల, తాడిపత్రి, గూటి, గుంతకల్లు, డోన్, బేతంచెర్ల, నంద్యాల, దిగువమెట్ట, మార్కాపురం రోడ్, దొనకొండ, నరసరావుపేట, గుంటూరు, విజయవాడ, ఏలూరు, రాజమండ్రి, సామర్లకోట
- రైలు కూర్పు: 1st AC - 1, 2nd AC - 1, 3rd AC - 4, స్లీపర్ క్లాస్ - 10, జనరల్ సెకండ్ క్లాస్ - 4, సెకండ్ క్లాస్ కమ్ లగేజ్/దివ్యాంగుల కోచ్‌లు - 2తో కలిపి మొత్తం 22 కోచ్‌లు
ప్రయాణికులకు మేలు
తిరుమల యాత్రికులతో పాటు ఉత్తరాంధ్ర-రాయలసీమ మధ్య రాకపోకలు సాగించే ప్రయాణికులకు ఈ పొడిగింపు మరింత సౌలభ్యాన్ని చేకూర్చనుంది. ఆసక్తి గల ప్రయాణికులు ఈ ప్రత్యేక రైలు సేవలను వినియోగించుకోవాలని రైల్వే శాఖ కోరింది.