రెండుసార్లు వాయిదా పడిన 57వ జీఎస్టీ కౌన్సిల్ సమావేశం గురువారం (అక్టోబర్ 8) ఉదయం 11 గంటల నుంచి ఢిల్లీలోని భారత్ మండపంలోని సమ్మిట్ రూమ్‌లో జరగనుంది.
కేంద్ర ఆర్థిక మంత్రి నిర్మలా సీతారామన్ అధ్యక్షతన జరిగే ఈ సమావేశంలో రాష్ట్రాలు, కేంద్రపాలిత ప్రాంతాల ఆర్థిక మంత్రులు పాల్గొంటారు. ఈ భేటీ మొదట సెప్టెంబర్ 12న జరగాల్సి ఉండగా, బ్రిక్స్ శిఖరాగ్ర సమావేశం కారణంగా అక్టోబర్ 7కు మార్చారు; అనంతరం ‘అనివార్య కారణాల’తో అక్టోబర్ 8కి మార్చారు.
గత ఏడాది సెప్టెంబర్ 3–4 తేదీల్లో జరిగిన 56వ సమావేశంలో జీఎస్టీ 2.0 సంస్కరణలకు ఆమోదం లభించింది. ఆ తర్వాత కౌన్సిల్ సమావేశం కావడం ఇదే తొలిసారి.
అధికారిక అజెండా వెల్లడికాకపోయినా, ఇన్‌పుట్ ట్యాక్స్ క్రెడిట్ (ఐటీసీ), రీఫండ్లు, జీఎస్టీ నిర్వహణ సరళీకరణ, పన్ను చెల్లింపుదారులపై కంప్లయన్స్ భారం తగ్గింపు చర్యలు చర్చకు వస్తాయని భావిస్తున్నారు.