వినాయక చవితి, గణేశోత్సవ పండుగ సీజన్‌లో ప్రజారోగ్యాన్ని కాపాడేందుకు మహారాష్ట్ర ఆహార, ఔషధ నియంత్రణ శాఖ (ఎఫ్‌డీఏ) రాష్ట్రవ్యాప్తంగా భారీ తనిఖీలు చేపట్టింది. ఈ దాడుల్లో పనీర్, ఖోవా, పెరుగు, వెన్న సహా రూ.4.45 కోట్ల విలువైన కల్తీ ఆహార పదార్థాలను స్వాధీనం చేసుకుంది.
- పండుగ సీజన్‌లో రాష్ట్రవ్యాప్తంగా ఎఫ్‌డీఏ భారీ తనిఖీలు
- రూ.4.45 కోట్ల విలువైన పనీర్, ఖోవా, పెరుగు, వెన్న స్వాధీనం
- కల్తీ ఆహార పదార్థాలపై కఠిన చర్యలకు అధికారుల హెచ్చరిక
పండుగ సీజన్‌లో డిమాండ్‌ను ఆసరాగా చేసుకుని కల్తీ ఆహార పదార్థాలను మార్కెట్‌లోకి ప్రవేశపెడుతున్న వ్యాపారులపై కఠిన చర్యలు తీసుకుంటామని ఎఫ్‌డీఏ అధికారులు హెచ్చరించారు. స్వాధీనం చేసుకున్న పదార్థాలను పరీక్షల నిమిత్తం ల్యాబ్‌లకు పంపినట్లు తెలిపారు.
ప్రజలు ఆహార పదార్థాలను కొనుగోలు చేసేటప్పుడు జాగ్రత్తలు వహించాలని, నాణ్యత లేని ఉత్పత్తులపై టోల్ ఫ్రీ నంబర్‌కు ఫిర్యాదు చేయవచ్చని అధికారులు సూచించారు.