సూడాన్ (ఎక్స్‌ప్రెస్ టుడే): ఇథియోపియా సరిహద్దు వెంబడి సూడాన్‌లో శుక్రవారం జరిగిన డ్రోన్ దాడిలో చిన్నారులు సహా కనీసం 40 మంది మృతి చెందారని యుద్ధాన్ని పర్యవేక్షించే ‘ఎమర్జెన్సీ లాయర్స్’ బృందం తెలిపింది.
బ్లూ నైల్ ప్రావిన్స్‌లోని అబూ షండి ప్రాంతంలో జరిగిన ఈ దాడికి 2023 నుంచి సూడాన్ సైన్యంతో పోరాడుతున్న పారామిలటరీ బృందం రాపిడ్ సపోర్ట్ ఫోర్సెస్ (ఆర్‌ఎస్‌ఎఫ్) కారణమని ఆ బృందం పేర్కొంది. ఈ దాడిపై ఐక్యరాజ్యసమితి మానవతా వ్యవహారాల సమన్వయ కార్యాలయం (ఓసీహెచ్ఏ) తీవ్ర ఆగ్రహం వ్యక్తం చేసింది.
ఈ ఘర్షణల్లో కనీసం 1.5 లక్షల మంది మృతి చెందారని సంఘర్షణలను పర్యవేక్షించే సంస్థ ఏసీఎల్ఈడీ అంచనా వేసింది; వాస్తవ సంఖ్య అంతకంటే ఎక్కువ ఉండవచ్చని సహాయ సంస్థలు చెబుతున్నాయి.