ఇండోనేషియాలోని జావా సముద్రంలో దుర్ఘటన చోటుచేసుకుంది. 240 మందికి పైగా ప్రయాణికులు, సిబ్బందితో వెళ్తున్న ఒక ఫెర్రీ పెనుగాలుల మధ్య మునిగిపోయింది. దక్షిణ కలిమంతన్‌లోని బంజర్మసిన్ కేంద్రంగా రెస్క్యూ బృందాలు గాలింపు చర్యలుముమ్మరం చేశాయి.
- జావా సముద్రంలో మునిగిన 240 మందికి పైగా ప్రయాణికులున్న ఫెర్రీ
- సుమారు 130 మంది ప్రయాణికులు, సిబ్బంది గల్లంతు
- పెనుగాలులు, ప్రతికూల వాతావరణమే ప్రమాదానికి కారణమని అంచనా
- బంజర్మసిన్ కేంద్రంగాముమ్మరంగా సాగుతున్న గాలింపు చర్యలు
ఆదివారం రాత్రి పెనుగాలుల మధ్య ప్రయాణిస్తున్న ఈ ఫెర్రీ దిశ తప్పి మునిగిపోయినట్టు స్థానిక అధికారులు తెలిపారు. ప్రమాద సమాచారం అందుకున్న వెంటనే నౌకాదళం, తీర రక్షక దళంతో పాటు స్థానిక మత్స్యకారుల పడవలను కూడా రంగంలోకి దించి గాలింపు చర్యలు చేపట్టారు. బాధిత కుటుంబాలు తమవారి కోసం రెస్క్యూ కమాండ్ సెంటర్ వద్ద ప్రయాణికుల జాబితాను పరిశీలిస్తున్న దృశ్యాలు కలచివేస్తున్నాయి.
ఇండోనేషియాలో ద్వీపాల మధ్య రాకపోకలకు ఫెర్రీలే ప్రధాన సాధనంగా ఉండటంతో, భద్రతా ప్రమాణాలపై మరోసారి ప్రశ్నలు తలెత్తుతున్నాయి. వాతావరణ హెచ్చరికలు ఉన్నప్పటికీ ఫెర్రీ ప్రయాణానికి అనుమతి ఇవ్వడంపై దర్యాప్తు చేపడతామని అధికారులు ప్రకటించారు.