రూ.10,700 కోట్లకు పైగా వ్యయంతో చేపట్టనున్న మూడు రైల్వే మల్టీట్రాకింగ్ ప్రాజెక్టులకు కేంద్ర మంత్రివర్గం ఆమోదం తెలిపింది. ఈ ప్రాజెక్టులు పశ్చిమ బెంగాల్, జార్ఖండ్ సహా 14 జిల్లాల మీదుగా సాగనున్నాయని కేంద్ర సమాచార, ప్రసార శాఖ మంత్రి అశ్విని వైష్ణవ్ న్యూఢిల్లీలో మీడియాకు వివరించారు.
రద్దీగా ఉండే మార్గాల్లో సామర్థ్యాన్ని పెంచడం ద్వారా సరుకు రవాణా, ప్రయాణికుల రైళ్ల రాకపోకలను మరింత సజావుగా మార్చడం ఈ ప్రాజెక్టుల ప్రధాన లక్ష్యం. మౌలిక సదుపాయాల విస్తరణ ద్వారా సంబంధిత ప్రాంతాల్లో ఆర్థిక కార్యకలాపాలకు ఊతం లభించనుంది.
దేశవ్యాప్తంగా రైల్వే నెట్‌వర్క్ ఆధునికీకరణ, సామర్థ్య విస్తరణలో భాగంగా ఇటీవలి కాలంలో కేంద్రం పలు మల్టీట్రాకింగ్, డబ్లింగ్ ప్రాజెక్టులకు ఆమోదం తెలుపుతూ వస్తోంది.